पहाड़क हाव, पहाड़क पांणि… -Pahadak Haw, Pahadak Pani

पहाड़क हाव, पहाड़क पांणि
जैल नि चाख उइल के जांणि

पहाड़ हरी-भरी
गाड़ हरदम भरी
पिरूवक भरी भ्यो
अरड़ा पांणि नहौ
ऊंच्चा डाव सौक
सुकिलौ हिमाला ह्यौंक
देवो कौ निवास, यां सबुल मानि
जैल नि मान उइल के जांणि ।।

कौतिक बार-त्यौहार
छाजी जानी सब बजार
ढोल-दमाऊ दमदार
रंगिल कुर्त, पजाम चूड़िदार
हाथम लिबै ढाल-तलवार
नृत्य करनी छोलियार
मैंस-स्यैंणी सब झौड़ लगानि
जैल नि लगाय उइल के जांणि ।।

मनुवौ रौट दगड़ घ्यौं
पिसी लूंणक स्वाद के बतौं
गढेरी साग, पाइंग काप
छां झोई, झुंगौरक भात
पू, छऊ, लापसि, घुघुत
चहा घुटुक, आलू गुटुक
भट्ट डुबुक, भट्ट चुरकाणि
जैल नि खाय उइल के जांणि ।।

बेड़ू सदाबहार
माल्टा मजेदार
कांफो लीची आड़ू
खुमानि पुलम हिसाऊ
आम मिसिर ज्यस
फैदमंद बुरांश रस
सानी निमु ल्यां गिचम पांणि
जैल नि चाख उइल के जांणि

Pahadak haw, pahadak pani
jail ni chaakh uil ke jaanni

pahaad hari-bhari
gaad hardam bharee
piruwak bhari bhyo
arada panni nau
ooncho daav sauk
sukilau himaala huyank
devo ka nivaas, yaan sabul maani
jail ni maan uil ke jaanni ..

kautik baar-tyauhaar
chhaajai jani sab bajaar
dhol-damaoo damadaar
rangeel kurt, pajaam choodidaar
haatham libaee dhaal-talavaar
nritya karani chholiyaar
mains-sayaaneenee sab jhaur lagaani
jail ni lagaay uil ke jaanni ..

manuvau raut dagad ghyaun
pisee lunaanak svaad ke bataun
gadheree saag, paing kaap
chhaan jhauee, jhungaurak bhat
poo, chhau, lapsee, ghughut
chaha ghutuk, aaloo gutuk
bhatt dubuk, bhatt churakanee
jail ni khaay uil ke jaanni ..

bedoo sadaabahaar
maalta mazedar
kaampho leechee aadoo
khumaani pulam hisaoo
aam misir jiyaas
phaidmand buraansh ka ras
saanee nimu lyaan gicham pani
jail ni chaakh uil ke jaanni